|
|
Fjell Kulturminnelag V/Gerd Fjeld Andersen, Tlf. 90 19 48 41
Fotosamling for Fjell kommune
Her oppfordrar vi folk med gamle bilete frå Fjell kommune til å ta kontakt. I samarbeid med Fjell kommune ønskjer vi å lage til ei fotosamling som kan liggje tilgjengeleg for alle på vår heimeside samt kommunen sin. Vi tar arbeidet med å skanne inn bileta som vi berre treng låne ei kort stund. Bileta tar inga skade, og vil bli handtert varsamt!
Fjell kommune arbeider med å registrera og avfotografera (skanna) eldre fotografi - til bruk i bygdebøkene og til oppbygging av ei kommunal fotosamling.
Vi er interesserte i fotografi som viser eit rikt utval av situasjonar med tilknyting til Fjell kommune fram til ca. 1970: portrett, familiar, landskap, kvardag og høgtid - både amatørfoto og bilete som er tekne av profesjonelle fotografar. Foto eldre enn 1950 er av spesiell interesse. Det er òg viktig å kunna knyta mest mogleg informasjon om motivet til kvart enkelt bilete.
I kommunen si historiske fotosamling finst både originalfoto (mellom anna flyfoto frå 1960-talet) og digitale kopiar av bilete i privat eige. Samlinga inneheld no til saman ca. 3000 foto frå Fjell kommune, med stor variasjon i motivtypar.
Mange av bileta vil bli nytta som illustrasjonar i Fjell bygdebok. Les meir på prosjektet sin nettstad: Fjell Fotosamling
Kontaktperson:
Fjell kulturminnelag:
Fjell kommune:
Halvor Skurtveit
Tlf. 56 32 65 45 - Mobiltlf. 97 06 83 82
Har du gamle bilete, dokument, skrifter eller anna, som du trur kan vere av interesse, ikkje nøl med å kontakte oss!
Sjekk og Universitetsmuseenes fotoportal for mange spanande biletsøk!
|
Gamle bilete